Showing posts with label देशभक्ति. Show all posts
Showing posts with label देशभक्ति. Show all posts

Saturday, July 9, 2011

भानुलाई गवाही




बोल्न खोज्छु आवाज रोकिन्छ
संकेत गर्न खोज्छु दृश्य छेकिन्छ
राष्ट्रिय पोशाक लगाउदा भानु मैले
नचिनेका मानिस आएर च्यातिन्छ।

तराईका फाटहरुले नेपाली नबोल्दा
तराईको गर्मिले हिमाललाई नपोल्दा
कस्तो राष्ट्र चाहेको थियौ भानु तिम्ले
सौन्दय हरायो मालाको फूलहरु नखुल्दा।

Monday, March 28, 2011

पाउरोटी झै टुक्रा टुक्रा देशलाई नबाडौन/ गजल


  

 पाउरोटी झै टुक्रा टुक्रा देशलाई नबाडौन
 जाति धर्मका आड्मा सहिष्णुता  नभाडौन।

 घर झगडामा अल्झिदा चोर् पसेको थाहा छैन  
पक्रेर त्यो चोर् लाई तेसै त नछाडौन ।

सबैको साझा फुलबारी यो देशलाई नमाडौन 
बिभाजनका रेखाहरु कतै पनि नगाडौन।

 मौलाउन दिउ यो  गणतन्त्रको बिरुवालाई
 झार सम्झी कसैले पनि  त्यसलाई नफाडौन ।                 

Monday, March 21, 2011

हजुर / कबिता


 दिल्लीतिर पानी परे काठमाडौंमा छाता ओढने हजुर
 काठमाडौंमा  केही  परे  दिल्ली  पाइला मोढने  हजुर।

 एक अर्काको खोइरो खन्दैमा कसैलाई फुर्सद छैन
 कसैले  सोधिहाले  राष्ट्रबादी  कुरा जोढ्ने  हजुर।

  हस्तछेप भन्दै सरकारी सम्पत्ति फोड्ने हजुर
 सुटुक्क बिदेशिसँग साईनो पनि  जोड्ने  हजुर।

 भन्छंन   यो   देश  सबैको   साझा  फुलबारी
 जाती, धर्म  भन्दै  साईनो किन तोढ्ने हजुर।

 सबै  भन्छंन  झारलाई बेलैमा  गोढ्ने हजुर
बिदेशी यो झारलाई  किन तेसै छोड्ने  हजुर।

 आफु  आफु  मिलेमा  नहुने  यहाँ  के  नै छ  होला  र
 आफ्नै बिचको ठुलो पर्खल कहिले होला तोढ्ने हजुर ।


Comment using facebook