नेपाली युवाका कथा

जेठो अमेरिका

माइलो युरोप

साइलो अरब

काइलो राजधानी

ठाइलो सदरमुकाम

कान्छो राजनीतिमा

बुढा बा- आमा गाऊँमा

युवाहिन सुन्य ठाउँमा

केटाकेटी, वृद, महिला मात्रै

जनसंख्याको नाउमा

जन्ती र मलामी नि

खोज्न गाह्रो त्यो ठाउमा

बाझै छन् खेत बारी

काम कस्ले गर्ने?

श्रम गर्ने मान्छे बिना

अन्न गोदाम कस्ले भर्ने?

बढ्दो छ चलन यहाँ

परदेश तिर झर्ने

धेरै टाढाँ नसके नि

सिमा पार गर्ने

येस्तै हो भने

नआउला भन्न सकिन्न 

एक दिन भोक भोकै मर्ने ।