नेतालाई गालीको बर्षा
ब्लगका भित्ता भरी
टाशो टास्ने
स्वदेशी भैइकन पनि
बिदेशी भएको
मेरो परदेशी ब्लगर साथी।
+२ सकेर बिदेश झरेको
२-४ बर्ष पछी फर्कन्छु भन्दै
उतै घरजम गरेको
बर्सौ हुन लगिसकेछ ।
भौतिकबादमा जिबन देखेर
अध्यात्माबादबाट भागेको
डलरको पछी लगेको
ग्रीनकाड लिनु नै
जिन्दगीको उपलब्धि मानेको
धन नै सर्बश्व ठानेको
काठमाडौंमा घर जोडेर पनि
मन बिदेशमै छाडेको
मेरो परदेशी ब्लगर साथी ।
कहिले काही पोखिने गर्छ
ब्लगका भित्ताहरुमा
गाउघरको सम्झनामा ।
कहिले कही च्याटमा भेटिदा
दु:ख पोख्ने गर्छ
यन्त्रिक जीबनको ।
पहिले दाम थिएन नाम थियो
अहिले नाम छैन दाम छ उसँग
तेसैले
नामको खोजिमा छ ।
ग्रीनकार्ड बोकेर बसेको
न काठमाडौं झर्न सक्छ
न सदाको लागि
सात समुन्द्र तर्न नै
मेरो परदेशी ब्लगर साथी ।
0 comments so far:
Post a Comment